W Photography logo
ENGLISH
Galri Pri Kontak FAQ About Me

Studio &
Lifestyle
Photography

Nou baze nou nan Columbus, Ohio, W Photography ap fè w viv vrè eksperyans lan. Vini pou n klere w nan Studio nou an oubyen kote w vle.

Rezève yon sesyon Gade kèk foto
Studio Portrait Lifestyle Portrait Lifestyle Portrait

PRI FOTO YO

Gen plizyè opsyon disponib pou ou. Ou ka chwazi fè foto yo nan studio a oubyen ou ka fè l deyò (nan lari, lakay ou oubyen kote w vle).

Pri pou foto nan Studio

Vini nan studio a, pou n ka klere w. Pou w pran randevou a wap peye yon frè rezèvasyon (li pa ranbousab), epi jou w vin fè foto a wap bay rès la.

Portrait 1 Portrait 3 Portrait 3

Anivèsè • Matènite • Pòtrè...

Maksimòm 4 moun. Si nou pi plis ke 4 moun, tanpri rezève sesyon fanmi an pito. Frè rezèvasyon an se $30 (li konte nan total la).

  • 10 foto: $280 (4 abiman / 55 min)
  • 5 foto: $150 (3 abiman / 45 min)
  • 3 foto: $100 (2 abiman / 25 min)
  • 2 foto: $80 (1 abiman / 15 min)
Chwazi
Portrait 1 Portrait 3 Portrait 3

Sesyon Fanmi / Gwoup

Pou gwoup ki plis ke 4 moun. Kontakte nou avan si gwoup la gen plis ke 6 moun. Frè rezèvasyon an se $40 (li konte nan total la).

  • 10 foto: $300 (3 abiman / 60 min)
  • 5 foto: $180 (3 abiman / 50 min)
  • 3 foto: $130 (2 abiman / 30 min)
  • 2 foto: $110 (1 abiman / 15 min)
Chwazi

Pri Pou Foto Deyò

Chwazi kote w vle nan Columbus la (nan lari, lakay ou, oswa nenpòt kote ou vle), nou ka ede w chwazi tou. Ou ka peye yon frè deplasman si se pa nan zòn Columbus lan, tanpri kontakte nou avan w rezève.

Portrait 1 Portrait 3

Anivèsè • Lifestyle

Pou w pran randevou a, wap peye yon frè rezèvasyon, epi jou w vin fè foto a wap bay rès la:

  • 10 foto (45 min), travay pwofesyonèl: $280
  • 6 foto (30 min), travay pwofesyonèl: $200
  • 3 foto (20 min), travay pwofesyonèl: $120
Chwazi
Portrait 1 Portrait 3

Konsiltasyon

Rele oubyen ekri n si w ap planifye maryaj, evènman, oubyen foto pou yon pwodui, nan lide pou fasilite w yon bèl eksperyans.

5 a 20 minit konvèsasyon

  • Pou n diskite sou kisa w vle, ki kote, epi ki lè
  • Revize plizyè opsyon posib ak pri
  • Poze kesyon ak pataje ide
Kontakte m

Kesyon / Repons

Sou konbyen tan w bay foto yo?

Wap jwenn foto yo sou 3 a 7 jou aprè sesyon an. Si w bezwen yo pi rapid, ou ka ekri m depi avan pou n wè kòman n ka jere sa.

E si m bezwen plis foto?

Wi, ou ka pran plis foto, wap jis peye pou sa. Aprè sesyon an wap gen pou w chwazi foto w pi renmen yo. Travay ou san travay, nou pa fè kado foto.

Si m fin pran randevou, eske m ka chanje l aprè?

Wi ou ka chanje dat oubyen lè a depi w fè m konn sa pou piti 24èd tan avan. Sonje nou pa remèt lajan deposit la, si w rete konsa w pa vini, wap pèdi l.

Èske w deplase pou w al fè foto lòt kote?

Wi, nou deplase pou n al fè foto nan Columbus la oubyen nenpòt lòt kote a. Li posib pou w peye yon frè anplis pou deplasman, ekri m avan pou n pale de sa.

Kontake n

Klike sou link lan pou w ekri nou sou WhatsApp pou pi rapid, oubyen ou ka ranpli fòm nan pou w voye yon email pou nou.

WhatsApp WhatsApp me

Mesaj rapid

Ranpli fòm sa pou w voye yon email pou nou.

W Photography

W PHOTOGRAPHY

Hey! Mwen se Walky, lespri kreyatif dèyè W Photography.

Vini pou m klere w! 🔥🚀📸

TikTok TikTok Instagram Instagram Facebook Facebook

Politik Entèn

Tanpri pran yon ti tan pou li règ sa yo avan ou rezève. Sa ap ede nou bay yon sèvis ki klè, pwofesyonèl, epi san pwoblèm.

SA W DWE KONNEN

  • Pa gen foto gratis. Sèlman kantite foto ou peye pou li a wap jwenn. Si w bezwen plis foto ou dwe peye pou sa.
  • Nou remèt foto yo sou 3 jou jiska 7 jou. Delè a ka varye selon kantite travay nou genyen.
  • Nap voye foto yo sou WhatsApp, email oubyen yon lyen prive pou w telechaje yo.
  • Opsyon Ijans: Si w vle foto yo nan 24 èdtan ou mwens, wap peye 10 dola pou chak foto.
  • Frè rezèvasyon an pa ranbousab: Ou ka chanje dat randevou a yon sèl fwa, ou dwe mande sa omwen 24 èdtan davans. Ou gen 90 jou aprè premye dat la pou w fè foto a. Si w kite 90 jou a pase w pa vini, wap oblije peye pou yon lòt randevou.

RÈG AK ENSTRIKSYON

  1. ⏰ VINI A LÈ: Tanpri rive a lè epi pare pou sesyon an. Si ou pa vini oswa ou an reta plis pase 30 minit san avèti, wap oblije peye pou pran yon lòt randevou.
  2. 👤 PA VINI AK PLIS KE YON SÈL MOUN: Tanpri pa vini ak plis ke yon sèl moun pou ede w (espas la limite). Ou ka vini ak timoun sèlman si wap fè foto pou li tou, e ou dwe toujou sipèvize yo pou yo pa fè dezòd ni manyen ekipman yo.
  3. 🎭 VINI PREPARE: Si lap posib ou ka mache tou prepare pou premye foto a, aprè sa wa chanje w pou fè lòt yo.
  4. 💄 PENYEN ak MAKIYAJ: Vini ak cheve w e makiyaj ou tou fèt. Ou ka mache ak jèl, yon bwòs tèt oubyen yon peny pou si w bezwen fikse yon bagay byen rapid.
  5. 💧 PA BLIYE KRÈM: Po idrate fè foto yo pi bèl! Mache ak krèm oubyen lwil pou w pase sou po w avan n kòmanse.

💡 Yon ti Konsèy: Pa enkyete w si ou pa konn fè pòz, nap gide w pandan sesyon an. Men ou ka chèche kèk pòz sou rezo sosyo yo ke ou ta renmen imite epi pratike yo davans pou yon pi bon rezilta!

RÈGLEMAN SOU IMAJ

  • Lè ou rezève, ou bay W Photography pèmisyon pou itilize kèk nan foto yo pou pòfolyo, piblisite, poste sou rezo sosyo, elatriye.
  • Si ou ta vle foto w yo rete prive (sa vle di pou nou pa itilize oubyen poste yo), ou dwe fè nou demann lan alekri, avan oubyen pandan sesyon an. Sa ka rive nou fè w peye yon frè pou sa.
  • W Photography kenbe dwa otè sou tout foto yo. Kliyan yo resevwa yon lisans pou itilizasyon pèsonèl yo (pataje/oswa enprime pou itilizasyon pèsonèl). Pou nenpòt itilizasyon komèsyal wap bezwen yon pèmisyon ekri.